حيت لتميز و الابداع مكان بيننا


 
الرئيسيةاليوميةس .و .جبحـثالتسجيلدخول

شاطر | 
 

 قصة محبة خالد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بلسيان اسوله
مشرفة
مشرفة
avatar

صفحتك :
احترام قوانين المنتدى :
مزاجات :
مسميات :
mms :
توقيع صبايا كول
مزاجي

بلدي
الجنسي : انثى
عدد المساهمات 16
تاريخ التسجيل : 14/01/2012
العمر : 20
الموقع : منتديات احلى بنات للبنات فقط

مُساهمةموضوع: قصة محبة خالد   الأحد يناير 15, 2012 12:26 am

كان في شخص اسمه خالد وعمره 20 سنه
هالشخص محبوب بين الناس كل ما شخص شافه حبه
لانه شخص محترم وذوق واخلاق وكل شي
فكان خالد يوميا بالليل يروح يمشي بالشوارع يتمشى
فكان كل يوم يشوف بنت صغيرة مزيونه وامورة بس كان لبسها مشقق وموسخ في مكان قريب من البقاله وتكون قاعده على خشبه وبروحها
في يوم من الايام الي يمر فيها خالد سأل نفسه سؤال؟؟
ليش هالبنت يوميا تكون قاعده هني وشنو سبب قعدتها بروحها ..؟؟ فقال لازم اعرف الموضوع ؟؟!!
راح خالد صوب البنت وابتسم لها البنت ما انتبهت له عدل
شوي ولا البنت انتبهت عليه وطالعته وابتسم وانحاشت
وراح خالد وراها يبي يشوفها وين بتروح .. جان يشوفها انها دخلت مكان صغير وشكله مهجور ومصنوع من خشب هي غرفه صغيرة
استغرب هني خالد
ورجع للبيت وهو يفكر بالموضوع ؟؟ فقال لازم اعرف شالسالفه ..
راح خالد ثاني يوم ونفس الشي كانت البنت قاعده بنفس المكان وراح قرب منها وقعد معاها
سألها خالد: شنو اسمج يا حلوة ؟؟
جاوبته وقالت: اسمي ريم ..
قالها: اسمج حلوو ..
سكتت ريم
سألها جم عمرج ؟؟
قالت: عمري 9 سنين
قالها العمر كله ..
سألها : انتي ليش يوميا تكونين هني قاعده وبروحج ؟؟
قالت : لان ما عندي صديقات ولا لي خوات ..
فقالها : ليش امج وين وابوج ؟؟
قالت: امي بالبيت .. وابوي ميت ..
قالها الله يرحمه .. وقال ببعد: ما عندج اخوان ؟؟
قالت: مبلا عندي اخو واحد اسمه حمد ..
قالها جم عمرة ؟؟
قالت : 15 سنه
قالها هو وامج وينهم؟؟
قالت هم بالبيت ..
فقالها ليش ما تقعدين بالبيت وياهم ؟؟
قالت : البيت ملل وزهقه .. وانا احب اقعد هني ..
الحين هي سالته ؟؟ قالت له : شنو اسمك ؟؟
قال اسمي خالد
قالت : جم عمرك ؟؟
قال عمري 20 سنه
قالت له ممكن اسألك سؤال
قالها : تفضلي
قالت انا كل يوم الصبح اروح اشوف هناك مكان كبير ويجون بنات كبري يدخلون ولابسين كلهم نفس الشي وشايلين ع ظهرهم جناط
شنو هذا المكان ؟؟
وشنو يسوون؟؟
استغرب خالد وقالها : انتي ما تروحين هناك ؟؟
قالت لا ..
فقال لها هذا مكان اسمه المدرسه .. وهناك يروحون البنات عشان يتعلمون يقرون ويكتبون ويتعلمون على اشياء وايد
قالت اهااااا
سولفو شوي بعدين مع بعض
وتأقلمو على هالوضع وكل يوم كان يجي ويقعد معاها ويسولف
ويوم من هالايام هذيله قالت له انا كل يوم اروح حق مكان هناك
في حرمه تقعد وتخيط ملابس
والحرمه هذي اطلبت مني خام وانا ما عندي فلوس اجيب لها
فقالها انا راح اجيبلج انشالله باجر
وفعلا ثاني يوم جاب الخام الي طلبته البنت
وشكرته وااايد
فقالت له : ابيك تعلمني اكتب ..
فقالها انزين شنو تبين تكتبين ..
فقالت علمني اكتب ( احبك )
استغرب خالد وقال انزين
قعد يعلمها الكتابه ع الرمل
وتعلمت تكتب احبك ))
ثاني يوم اجى خالد وشاف ريم حافره هالكلمه ع ايدها بزجاج
خالد: شنو هذا يا ريم ..
غطت ع ايدها وقالت ولا شي
سكت خالد
وفجأه قالت ريم لخالد : غمض عيونكـ
قال لها : ليش؟؟
قالت : انت غمض اول ..
خالد قمض عيونه وهو مستغرب وما يدري شنو الموضوع !!
فراحت البنت قبلت خالد .. وراحت تركض لبيتهم ..
خالد مصدوم ومو عارف شنو يقول وشنو يسوي ..
رجع خالد البيت وهو راجع بالطريق دق مبايل خالد
خالد : الو ..
رفيجه : الو هلا خالد
خالد : هلا فيك
رفيجه : اقول خلود المدير يقول باجر سفرة من الصبح ضروري لدبي عشان الشغل طبعا
خالد : انزين ..
راح خالد للبيت وجهز اغراضه
وثاني يوم سافرو
طبعا ريم كانت تنطر خالد بنفس المكان يوميا
وتفاجأت ان خالد اليوم ما اجى
ثاني يوم نفس الشي خالد ما اجى
ريم تعبااانه
ثالث يوم نفس الشي وخالد بعد ما اجى
هني ريم تعبت واااايد حيل كانت تعبااانه
فاجى رابع يوم وخالد راح نفس المكان يبي يكلم ريم
ما لقى ريم
رجع للبيت وهو يفكر ليش ريم اليوم مو موجوده ؟؟
واجى ثاني يوم وراح نفس المكان
وبعد ما لقى ريم
فقال : لازم اروح بيتهم واشوف شنو السالفه ..
راح خالد للبيت وطق الباب
طلع اخو ريم حمد لخالد
خالد هذا بيت ريم

حمد: ايه انت خالد صح ..
خالد : ايه
جت ام حمد ..
وقالت انت خالد صح ..
قال: ايه ريم وين ؟؟
ام خالد : تبجي وتقول ريم تعبت واااايد وودينها للمستشفى واطلبو من عندنا مبلغ لعلاجها كبير ورجعنا للبيت وما بيدنا شي
خالد : هي الحين وين ؟؟
ام ريم : هي ماتت
خالد مصدوم ..
ام ريم : هي وصفت لنا شكلك عدل وفعلا وصفها لك نفس الي قالته
ام ريم : ساكته
ام ريم : عطتني هالكيس وهي ع فراش الموت .. وقالت هالكيس تعطينه لخالد اذا اجى
خالد : اخذ الكيس ..وراح ..
خالد : وهو بالطريق مصدووم ومتضايق وايد ويبجي
فقال شنو هالكيس شنو فيه
فتح الكيس ولقى قطعه من الخام الي جابه ومكتوب عليها بدم ايدها ( احبك )
حالد : عرف ان ريم كانت تحبه
وقعد يقول لنفسه ان هذا هو الحب الحقيقي لان عبرت لي بدمها
الرجوع الى أعلى الصفحة اذهب الى الأسفل
admin
الشخصيات الهامة
الشخصيات الهامة
avatar

صفحتك :
وسام
مزاجات :
مسميات :
اوسمتي
mms :
مزاجي

بلدي
الجنسي : انثى
عدد المساهمات 132
تاريخ التسجيل : 26/03/2011
العمر : 24
الموقع : الجزائر

مُساهمةموضوع: رد: قصة محبة خالد   السبت يوليو 07, 2012 11:11 pm

الرجوع الى أعلى الصفحة اذهب الى الأسفل
4+5=99 كيفي
عضو نشيط
عضو نشيط


توقيع صبايا كول

بلدي
الجنسي : انثى
عدد المساهمات 12
تاريخ التسجيل : 17/01/2013
العمر : 18

مُساهمةموضوع: رد: قصة محبة خالد   الجمعة يناير 18, 2013 9:58 pm

سلمت يمناك ع النقل اختي اسولـــــه
الرجوع الى أعلى الصفحة اذهب الى الأسفل
 
قصة محبة خالد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات انسي الزعل :: 

@ الاقسام الادبية @ :: 

@ منتدى القصص و الروايات @

-
انتقل الى: